Bright Eyes Gladden The Heart; Good News Puts Fat On The Bones. (Proverbs 15:30)
തിരുവനന്തപുരം: സംസ്ഥാനത്ത് കോവിഡ് ആര് ടി- പി സി ആര് പരിശോധന വിപുലമാക്കാന് സര്ക്കാര് തീരുമാനം. ഔട്ട് സോഴ്സ് മാതൃകയില് സ്വകാര്യ മൊബൈല് ലാബുകളില് ആര് ടി- പി സി ആര് പരിശോധനക്ക് സൗകര്യമൊരുക്കും. സാമ്ബിള് ശേഖരിച്ച ശേഷം ആര് ടി - പി സി ആര് പരിശോധന ഫലം 24 മണിക്കൂറിനുള്ളില് ലഭ്യമാക്കും. ഇതിനായി സ്വകാര്യ ഏജന്സിക്ക് ടെന്ഡര് നല്കി. 24 മണിക്കൂറിനുള്ളില് പരിശോധനാ ഫലം ലഭ്യച്ചില്ലെങ്കില് ലാബിന്റെ ലൈസന്സ് റദ്ദാക്കുന്നതടക്കമുള്ള നടപടിയുണ്ടാകും.
മൊബൈല് ലാബ് എത്തിക്കേണ്ട സ്ഥലങ്ങള് ജില്ല ഭരണകൂടം തീരുമാനിക്കും. മൂന്ന് മാസത്തേയ്ക്കാണ് കരാര്. മൊബൈല് ലാബ് പ്രവര്ത്തിക്കുന്നതിനുള്ള മാര്ഗനിര്ദേശങ്ങളും പുറത്തിറക്കി. 448 രൂപക്ക് ആര് ടി- പി സി ആര് പരിശോധന നടത്താനാണ് കരാര്. ജില്ലയില് എയര്പോര്ട്ട് ഉണ്ടെങ്കില് അന്താരാഷ്ട്ര യാത്രക്കാര്ക്കും ഇതേ നിരക്കില് പരിശോധന നടത്തും.
പരിശോധന സംവിധാനം പൂര്ണമായും കോവിഡ് പ്രോട്ടോക്കോള് പാലിച്ച് നടത്തണമെന്നും മാര്ഗനിര്ദേശത്തില് പറയുന്നു. ഇത് പരിശോധിക്കാന് പ്രത്യേക ടീമിനെയും നിയോഗിക്കും. മൊബൈല് ആര് ടി- പി സി ആര് ലാബുകള് വരുന്നതോടെ സ്വകാര്യ ലാബുകളുടെ ചൂഷണം കുറയ്ക്കാനാകുമെന്നാണ് കരുതുന്നത്.
നിലവില് 1700 രൂപയാണ് സ്വകാര്യ ലാബുകളില് ആര് ടി- പി സി ആര് പരിശോധനയ്ക്ക് ഈടാക്കുന്നത്. സര്ക്കാര് നിരക്ക് കുറച്ച് ഉത്തരവ് ഇറക്കിയെങ്കിലും ലാബ് ഉടമകള് ഹൈക്കോടതിയെ സമീപിച്ചു. ഹൈക്കോടതി അനുകൂല വിധി ലഭിച്ചതോടെ സ്വകാര്യ ലാബുകള് വീണ്ടും നിരക്ക് കൂട്ടി. ഈ സാഹചര്യത്തിലാണ് മെഡിക്കല് സര്വീസ് കോര്പറേഷന് ബദല് ക്രമീകരണം ആലോചിച്ചത്.