Bright Eyes Gladden The Heart; Good News Puts Fat On The Bones. (Proverbs 15:30)
ഇംഗ്ലണ്ടിനെതിരായ ഏകദിന പരമ്ബരയിലെ മൂന്നാം മത്സരത്തില് ഇന്ത്യയ്ക്ക് 7 റണ്സിന്റെ ആവേശ വിജയം. മത്സരത്തില് ഇന്ത്യ ഉയര്ത്തിയ 330 റണ്സിന്റെ വിജയലക്ഷ്യം പിന്തുടര്ന്ന ഇംഗ്ലണ്ടിന് നിശ്ചിത 50 ഓവറില് 9 വിക്കറ്റ് നഷ്ട്ടത്തില് 322 റണ്സ് നേടാനെ സാധിച്ചുള്ളു. വിജയത്തോടെ ഏകദിന പരമ്ബര 2-1 ന് ഇന്ത്യ സ്വന്തമാക്കി. 83 പന്തില് പുറത്താകാതെ 95 റണ്സ് നേടിയ യുവതാരം സാം കറണ് അവസാന ഓവര് വരെ പൊരുതിയെങ്കിലും ടീമിനെ വിജയത്തിലെത്തിക്കാന് സാധിച്ചില്ല. അവസാന ഓവറില് 14 റണ്സ് വേണമെന്നിരിക്കെ പന്തെറിയാനെത്തിയ നടരാജന് 6 റണ്സ് മാത്രമാണ് ഓവറില് വിട്ടുനല്കിയത്. സാം കറണ് പുറമെ 50 പന്തില് 50 റണ്സ് നേടിയ ഡേവിഡ് മലാന് മാത്രമാണ് ഇംഗ്ലണ്ടിന് വേണ്ടി തിളങ്ങിയത്. ഇന്ത്യയ്ക്ക് വേണ്ടി ഷാര്ദുല് താക്കൂര് നാല് വിക്കറ്റും ഭുവനേശ്വര് കുമാര് മൂന്ന് വിക്കറ്റും നടരാജന് ഒരു വിക്കറ്റും നേടി. നേരത്തെ ആദ്യം ബാറ്റ് ചെയ്ത ഇന്ത്യ റിഷാബ് പന്ത്, ശിഖാര് ധവാന്, ഹാര്ദിക് പാണ്ഡ്യ എന്നിവരുടെ അര്ധ സെഞ്ചുറി മികവിലാണ് മികച്ച സ്കോറിലെത്തിയത്. ശിഖാര് ധവാന് 56 പന്തില് 67 റണ്സ് നേടിയപ്പോള് റിഷാബ് പന്ത് 62 പന്തില് 5 ഫോറും നാല് സിക്സുമടക്കം 78 റണ്സും ഹാര്ദിക് പാണ്ഡ്യ 44 പന്തില് 5 ഫോറും 4 സിക്സുമടക്കം 64 റണ്സ് നേടി. താക്കൂര് 21 പന്തില് 31 റണ്സും നേടി. ഇംഗ്ലണ്ടിന് വേണ്ടി മാര്ക്ക് വുഡ് മൂന്ന് വിക്കറ്റും ആദില് റഷീദ് 2 വിക്കറ്റും നേടി.