Bright Eyes Gladden The Heart; Good News Puts Fat On The Bones. (Proverbs 15:30)
തൃശൂര്: പ്രായപൂര്ത്തിയാകാത്ത പെണ്കുട്ടിയെ സംഘം ചേര്ന്ന് സുഹൃത്തുക്കളുടെ ഒത്താശയോടെ പീഡിപ്പിച്ച പ്രതിക്ക് തൃശൂര് പോക്സോ കോടതി 14 വര്ഷം കഠിന തടവും ഒരു ലക്ഷം രൂപ പിഴയടക്കുന്നതിനും ശിക്ഷിച്ചു. മുളയം സ്വദേശി പ്രശാന്തിനെയാണ് തൃശൂര് പോക്സോ കോടതി സ്പെഷ്യല് ജഡ്ജ് ബിന്ദു സുധാകറാണ് വിധി പുറപ്പെടുവിച്ചത്.
2015ലാണ് കേസിനാസ്പദമായ സംഭവം. പ്രശാന്ത് സുഹൃത്തുക്കളുമായി ചേര്ന്ന് പെണ്കുട്ടിയെ പീഡിപ്പിക്കുകയായിരുന്നു. ഒന്നാം പ്രതിയായ പ്രശാന്തിന് ഇന്ത്യന് ശിക്ഷാ നിയമം 376 വകുപ്പ് പ്രകാരം ഏഴ് വര്ഷവും 50,000 രൂപ പിഴയടക്കാനും പോക്സോ നിയമം മൂന്ന്, നാല് വകുപ്പുകള് പ്രകാരം ഏഴ് വര്ഷവും 50,000 രൂപ പിഴയടക്കുന്നതിനുമാണ് ശിക്ഷിച്ചത്. ശിക്ഷ ഒന്നിച്ചനുഭവിച്ചാല് മതി. പ്രോസിക്യൂഷനായി സ്പെഷ്യല് പബ്ലിക് പ്രോസിക്യൂട്ടര് അഡ്വ. കെ. പി അജയ് കുമാര് ഹാജരായി. ഒല്ലൂര് സി.ഐ ആയിരുന്ന ഉമേഷ് കുമാറിന്റെ നേതൃത്വത്തിലാണ് കേസന്വേഷണം പൂര്ത്തിയാക്കി കുറ്റപത്രം സമര്പ്പിച്ചത്. തൃശൂരില് സ്പെഷ്യല് ഫാസ്റ്റ് ട്രാക് പോക്സോ കോടതി നിലവില് വന്ന് ആദ്യത്തെ ശിക്ഷാ വിധിയാണ് ഇത്.