തിരുവനന്തപുരം: ചരിത്രം തിരുത്തി എസ്​.എസ്​.എല്‍.സി പരീക്ഷഫലം. 99.47 വിജയശതമാനമെന്ന റെക്കോര്‍ഡോടെയാണ്​ സംസ്ഥാനത്തെ വിദ്യാര്‍ഥികള്‍ ഇക്കുറി പത്താം ക്ലാസ്​ എന്ന കടമ്പ കടന്നത്​. ഉച്ചക്ക്​ രണ്ടിന്​​ വിദ്യാഭ്യാസ മന്ത്രി വി. ശിവന്‍കുട്ടി​യാണ്​ പരീക്ഷ ഫലം പ്രഖ്യാപിച്ചത്​​. മൂന്ന്​ മണിമുതല്‍ പരീക്ഷഫലം വിവിധ വെബ്​സൈറ്റുകളില്‍ ലഭിച്ച്‌​ തുടങ്ങി.

4,21,887പേര്‍ എസ്​.എസ്​.എല്‍.സി പരീക്ഷ ​എഴുതിയതില്‍ 4,19651 പേര്‍ ഉന്നത വിദ്യാഭ്യാസത്തിന്​ അര്‍ഹത നേടി. മുന്‍ വര്‍ഷം ഇത്​ 98.82 ശതമാനമായിരുന്നു. 0.65 ശതമാനത്തിന്‍റെ വര്‍ധനയുണ്ടായി.
 

എല്ലാ വിഷയത്തിലും എ പ്ലസ്​ നേടിയവരുടെ എണ്ണത്തിലും വര്‍ധനയുണ്ടായി.

1,21,318 പേര്‍ എല്ലാ വിഷയത്തിലും എ പ്ലസ്​ നേടി. 41906 പേരാണ്​ മുന്‍ വര്‍ഷം എല്ലാ വിഷയത്തിനും എ പ്ലസ്​ നേടിയത്​. 79412 എ പ്ലസില്‍ വര്‍ധനവ്​.

എസ്​.എസ്​.എല്‍.സി പുതിയ സ്​കീം അനുസരിച്ച്‌​ പരീക്ഷ എഴുതിയ 645 പ്രൈവറ്റ്​ വിദ്യാര്‍ഥികളില്‍ ഉന്നതവിദ്യാഭ്യാസത്തിന്​ 537 പേരാണ്​ അര്‍ഹത നേടിയത്​. 83.26 ആണ്​ വിജയശതമാനം. എസ്​.എസ്​.എല്‍.സി പഴയ സ്​കീം അനുസരിച്ച്‌​ പരീക്ഷ എഴുതിയ 346 പ്രൈവറ്റ്​ വിദ്യാര്‍ഥികളില്‍ 270 പേര്‍ ഉന്നതവിദ്യാഭ്യാസത്തിന്​ യോഗ്യത നേടി. 78.03 ആണ്​ വിജയശതമാനം.

വിജയശതമാനം ഏറ്റവും കൂടുതലുള്ള റവന്യു ജില്ല കണ്ണൂര്‍ -99.85 ശതമാനം

വിജയശതമാനം കുറഞ്ഞ റവന്യൂ ജില്ല -വയനാട്​ 98.13 ശതമാനം.

വിജയശതമാനം ഏറ്റവും കൂടുതലുള്ള വിദ്യാഭ്യാസ ജില്ല -പാല 99.97ശതമാനം
 

വിജയശതമാനം കുറവുള്ള വിദ്യാഭ്യാസ ജില്ല -വയനാട്​ 98.13 ശതമാനം.

ഏറ്റവും കൂടുതല്‍ വിദ്യാര്‍ഥികള്‍ക്ക്​ മുഴുവന്‍ എ പ്ലസ്​ നേടിയ വിദ്യാഭ്യാസ ജില്ല -മലപ്പുറം. മലപ്പുറത്ത്​ 7838 പേര്‍ക്ക്​ മുഴുവന്‍ എ പ്ലസ്​ നേടി.
 

ഗള്‍ഫില്‍ ഒമ്ബത്​ വിദ്യാലയങ്ങള്‍. 573 ​വിദ്യാര്‍ഥികള്‍ പരീക്ഷ എഴുതിയതില്‍ 556 പേര്‍ ഉന്നത വിദ്യാഭ്യാസത്തിന്​ അര്‍ഹത നേടി. 97.03 ശതമാനം. മൂന്ന്​ ഗള്‍ഫ്​ സെന്‍ററുകളില്‍ 100 ശതമാനം വിജയം നേടി.

ലക്ഷദ്വീപില്‍ ഒമ്ബത്​ പരീക്ഷ സെന്‍ററുകള്‍ 627 വിദ്യാര്‍ഥികള്‍ പരീക്ഷ എഴുതിയതില്‍ 607 പേര്‍ ഉന്നതവിദ്യാഭ്യാസത്തിന്​ യോഗ്യത നേടി. 96.81 വിജയശതമാനം.

ഏറ്റവും കൂടുതല്‍ കുട്ടികള്‍ പരീക്ഷ എഴുതിയ സെന്‍റര്‍ -പി.കെ.എം.എച്ച്‌​.എസ്​.എസ്​ എടരിക്കോട്​ മലപ്പുറം ജില്ല -2076 വിദ്യാര്‍ഥികള്‍ പരീക്ഷ എഴുതി.

കുറവ്​ പരീക്ഷ എഴുതിയ സെന്‍റര്‍ സെന്‍റ്​ തോമസ്​ എച്ച്‌​.എസ്​.എസ്​ നിരണം, പത്തനംതിട്ട -ഒരു വിദ്യാര്‍ഥിയാണ്​ ഇവിടെ പരീക്ഷ എഴുതിയത്​.