Bright Eyes Gladden The Heart; Good News Puts Fat On The Bones. (Proverbs 15:30)
തിരുവനന്തപുരം: ചാര്ട്ടേര്ഡ് അക്കൗണ്ട്സ്/ കോസ്റ്റ് ആന്റ് വര്ക്ക് അക്കൗണ്ട്സ്(കോസ്റ്റ് ആന്റ് മാനേജ്മെന്റ് അക്കൗണ്ട്സ്)/കമ്ബനി സെക്രട്ടറിഷിപ്പ് കോഴ്സുകള്ക്ക് പഠിക്കുന്ന ന്യൂനപക്ഷ മതവിഭാഗങ്ങളിലെ ദാരിദ്ര്യ രേഖയ്ക്ക് താഴെയുള്ള കുടുംബങ്ങളിലെ വിദ്യാര്ത്ഥികള്ക്ക് സ്കോളര്ഷിപ്പ് നല്കുന്നതിന് പുതുക്കിയ മാനദണ്ഡ പ്രകാരം (പ്ലസ് ടു വിദ്യാര്ത്ഥികളെ കൂടി അര്ഹരാക്കി) സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു.
കേരളത്തില് പഠിക്കുന്ന സ്ഥിരതാമസക്കാരായ മുസ്ലീം, ക്രിസ്ത്യന്, സിഖ്, ബുദ്ധ, പാഴ്സി, ജൈന മതവിഭാഗത്തില്പ്പെട്ട എട്ട് ലക്ഷം രൂപയില് താഴെ വാര്ഷിക വരുമാനമുളള അവസാന വര്ഷ പരീക്ഷയെഴുതുന്ന വിദ്യാര്ത്ഥികള്ക്ക് അപേക്ഷിക്കാം.
ബി.പി.എല് വിഭാഗത്തില്പ്പെട്ടവര്ക്ക് മുന്ഗണന. ബി.പി.എല് അപേക്ഷകരുടെ അഭാവത്തില് മാത്രമേ ന്യൂനപക്ഷ മത വിഭാഗത്തിലെ എട്ട് ലക്ഷം രൂപ വരെ വാര്ഷിക വരുമാനമുളള വിഭാഗത്തെ പരിഗണിക്കും. പ്ലസ്ടുവിന് 60 ശതമാനം മാര്ക്ക് നേടിയവരില് നിന്ന് വരുമാനത്തിന്റെയും മാര്ക്കിന്റെയും അടിസ്ഥാനത്തിലാണ് തിരഞ്ഞെടുപ്പ്. ബി.പി.എല് വിഭാഗക്കാര് റേഷന് കാര്ഡിന്റെ പകര്പ്പ് നല്കണം.
30 ശതമാനം സ്കോളര്ഷിപ്പ് പെണ്കുട്ടികള്ക്ക് സംവരണം ചെയ്തിട്ടുണ്ട്. വിദ്യാര്ത്ഥികളെ തിരഞ്ഞെടുക്കുന്നത് കുടുംബ വാര്ഷിക വരുമാനത്തിന്റെ അടിസ്ഥാനത്തിലാണ്. മുന് വര്ഷങ്ങളില് സ്കോളര്ഷിപ്പ് ലഭിച്ചവര് അപേക്ഷിക്കേണ്ട. 15,000 രൂപയാണ് സ്കോളര്ഷിപ്പ് തുക. അപേക്ഷകര്ക്ക് ദേശസാല്കൃത ബാങ്കില് സ്വന്തം പേരില് അക്കൗണ്ട് വേണം. www.minoritywelfare.kerala.gov.in ല് ഓണ്ലൈനായി മാര്ച്ച് എട്ട് വരെ അപേക്ഷിക്കാം. ഫോണ്: 0471-2300524.