Bright Eyes Gladden The Heart; Good News Puts Fat On The Bones. (Proverbs 15:30)
തിരുവനന്തപുരം: 2021-22 അധ്യയന വര്ഷത്തില് ഒന്ന് മുതല് ഏഴ് വരെയുള്ള ക്ലാസുകളിലേക്ക് പൊതുവിദ്യാഭ്യാസ വകുപ്പിനു കീഴില് വഴുതക്കാട് പ്രവര്ത്തിക്കുന്ന കാഴ്ചപരിമിതര്ക്കായുള്ള സര്ക്കാര് വിദ്യാലയത്തില് പ്രവേശനത്തിന് അപേക്ഷ ക്ഷണിച്ചു. കുറഞ്ഞത് 40 ശതമാനമോ അതിനു മുകളിലോ കാഴ്ചക്കുറവുള്ളവര്ക്കാണ് പ്രവേശനം.
പൊതുവിഷയങ്ങള്ക്കു പുറമെ ഉപകരണസംഗീതം, സംഗീതം ഇവര്ക്ക് അനുയോജ്യമായ ആധുനിക വിവരസാങ്കേതിക വിദ്യ, ദിനചര്യ പരിശീലനം, കായികവിദ്യാഭ്യാസം എന്നിവയും ലഭ്യമാക്കും. കുട്ടികളുടെ പഠനം മെച്ചപ്പെടുത്തുന്നതിന് കലാസാഹിത്യ പുസ്തകങ്ങളും, വിവിധ മതഗ്രന്ഥങ്ങള്, പുരാണ ഇതിഹാസ ഗ്രന്ഥങ്ങള് അടങ്ങിയ ബ്രയില് പുസ്തകങ്ങളുടെയും, സിഡിയില് തയ്യാറാക്കിയ ഓഡിയോ പുസ്തകങ്ങളുടെയും ശേഖരമടങ്ങിയ ബ്രെയില് ലൈബ്രറി ലഭ്യമാണ്.
ആണ്കുട്ടികള്ക്കും പെണ്കുട്ടികള്ക്കും പ്രത്യേകം ഹോസ്റ്റല് സൗകര്യവും ഭക്ഷണവും കുട്ടികളെ പ്രത്യേകം പരിചരിക്കുവാന് പ്രാപ്തരായ ജീവനക്കാരുടെ സേവനവും ലഭ്യമാണ്.
പ്രവേശനം ആഗ്രഹിക്കുന്ന വിദ്യാര്ത്ഥിയുടെ രക്ഷിതാക്കള് സ്കൂള് മേല്വിലാസത്തില് കത്ത് മുഖേനയോ നേരിട്ടോ ബന്ധപ്പെടണം. വിലാസം: ഹെഡ്മാസ്റ്റര്, കാഴ്ചപരിമിതര്ക്കുവേണ്ടിയുള്ള സര്ക്കാര് വിദ്യാലയം, വഴുതക്കാട്, തിരുവനന്തപുരം. ഫോണ്: 0471-2328184, 8547326805.