Bright Eyes Gladden The Heart; Good News Puts Fat On The Bones. (Proverbs 15:30)
യാത്രാമധ്യേ കോക്ക്പിറ്റില് കയറിയ പൂച്ച പൈലറ്റിനെ ആക്രമിച്ചു. ഇതേത്തുടര്ന്ന് സുഡാനില് നിന്ന് ഖത്തര് തലസ്ഥാനമായ ദോഹയിലേക്കുള്ള വിമാനം അടിയന്തര ലാന്ഡിങ് നടത്തി. അപ്രതീക്ഷിതമായി കോക്ക്പിറ്റിലേക്ക് കടന്നുകയറിയ പൂച്ച പൈലറ്റിനെ ആക്രമിക്കുകയായിരുന്നു. ഇതോടെയാണ് വിമാനം അടിയന്തിരമായി നിലത്തിറക്കിയത്.
കോക്പിറ്റില് അതിക്രമിച്ച് കയറിയ പൂച്ച പൈലറ്റിനേയും ക്രൂവിനേയും അക്രമിക്കുകയായിരുന്നു എന്നാണ് വിമാന കമ്ബനി പറയുന്നത്. ബുധനാഴ്ച കാര്ട്ടൂം അന്താരാഷ്ട്ര വിമാനത്താവളത്തില് നിന്ന് പുറന്നുയര്ന്ന് അരമണിക്കൂര് പിന്നിട്ടപ്പോഴാണ് കോക്പിറ്റില് പൂച്ചയുടെ ആക്രമണം ഉണ്ടായത്. കോപ്ടറില് കടന്ന പൂച്ച പൈലറ്റിനെ അക്രമിക്കുകയായിരുന്നു.
അതിനിടെ പൂച്ചയെ പിടികൂടാന് സഹ പൈലറ്റും കാബിന് ക്രൂ അംഗങ്ങളും ശ്രമിച്ചെങ്കിലും വിഫലമായി. പിടിക്കാന് ശ്രമിച്ചപ്പോഴൊക്കെ പൂച്ച ഒഴിഞ്ഞു മാറി. കോക്പിറ്റിലാകെ പൂച്ച ഓടി നടന്നതോടെ പൈലറ്റ് ആശങ്കയിലായി. പൂച്ചയെ പിടികൂടാനുളള എല്ലാ ശ്രമങ്ങളും പരാജയപ്പെടുകയും ചെയ്തതോടെയാണ് വിമാനം അടിയന്തിരമായി തിരിച്ചിറക്കാന് പൈലറ്റ് നിര്ബന്ധിതനായത്.
അതേസമയം പൂച്ച എങ്ങനെ വിമാനത്തില് എത്തിയെന്നത് സംബന്ധിച്ച് ടാര്കോ ഏവിയേഷന് യാതൊരു വ്യക്തതയുമില്ല. യാത്രക്കാരില് ആരും തന്നെ പൂച്ചയെ കൊണ്ടു വന്നിട്ടില്ലെന്നാണ് അറിയുന്നത്. സംഭവത്തെക്കുറിച്ച് ടാര്കോ ഏവിയേഷന് അന്വേഷണം ആരംഭിച്ചിട്ടുണ്ട്. ഇക്കാര്യത്തില് കൂടുതല് പ്രതികരണം നടത്താന് വിമാന കമ്ബനി തയ്യാറായിട്ടില്ല.