വാഷിങ്​ടണ്‍: ഇതുവരെയും പകര്‍ത്താനാവാത്ത ചൊവ്വാ ഗ്രഹത്തിന്‍റെ മനോഹര ചിത്രങ്ങള്‍ പങ്കുവെച്ച്‌​ നാസയുടെ പേടകം. വ്യാഴാഴ്ച ചൊവ്വാഗ്രഹത്തിലിറങ്ങിയ ‘പേഴ്​സവറന്‍സ്’​ ബഹിരാകാശ ദൗത്യമാണ്​ ചിത്രങ്ങള്‍ പുറത്തുവിട്ടത്​.

യാത്രയുടെ ഒന്നാംഘട്ടം പൂര്‍ത്തിയാക്കി​ പേടകം നിലംതൊടുംമുമ്ബുള്ള ചിത്രമാണ്​ ആദ്യം ലഭിച്ചത്​. ദൗത്യം ലാന്‍ഡിങ്ങിന്​​ 6.5 അടി ഉയരത്തിലെത്തു​േമ്ബാള്‍ പൊടിപാറുന്നതും ചിത്രങ്ങളില്‍ കാണാം. പേഴ്​സവറന്‍സ്​ ചൊവ്വയില്‍ ഇറങ്ങിയത്​ ആവേശം നല്‍കുന്നുവെന്ന്​ പേടകത്തിന്‍റെ പ്രധാന എഞ്ചിനിയറായിരുന്ന ആദം സ്റ്റീറ്റ്​സ്​നര്‍ വെളിപ്പെടുത്തി .

വ്യാഴാഴ്ച ലഭിച്ച ചിത്രങ്ങള്‍ പൂര്‍ണമായി കറുപ്പും വെളുപ്പുമായിരുന്നുവെങ്കില്‍ വെള്ളിയാഴ്ച മുതല്‍ കളര്‍ ചിത്രങ്ങളും അയക്കുന്നുണ്ട്​.

ചുവപ്പുകലര്‍ന്ന ചൊവ്വ ഉപരിതലത്തെ കുറിച്ച്‌​ കൂടുതല്‍ ഉള്‍ക്കാഴ്ച നല്‍കുന്നതാണ്​ ചിത്രങ്ങള്‍.

ജെ​സറോ ഗര്‍ത്തത്തോടു ചേര്‍ന്ന റോവര്‍ നിലംതൊട്ട സ്​ഥലത്ത്​ പാറക്കൂട്ടങ്ങളും ദൃശ്യമാണ്​. പക്ഷേ, അവയുടെ വലിപ്പം കുറവാണെന്നാണ്​ സൂചന. റോവര്‍ നിലംതൊടുന്നതിന്​ 700 കിലോമീറ്റര്‍ ഉയരത്തില്‍നിന്നെടുത്ത ചിത്രങ്ങള്‍ വരെയുണ്ട്​.ഇനി ചൊവ്വയുമായി ബന്ധപ്പെട്ട നാസ പദ്ധതികളെ സഹായിക്കുന്ന ​നിരീക്ഷണങ്ങളും പേഴ്​സവറന്‍സ്​ നടത്തും.

റോവറിന്‍റെ മുകളില്‍ ആവശ്യ സമയത്ത്​ നിരീക്ഷണം നടത്തി സഞ്ചാര യോഗ്യത ഉറപ്പാക്കാന്‍ കുഞ്ഞു ഹെലികോപ്​റ്ററും ഘടിപ്പിച്ചിട്ടുണ്ട്​. 30 ദിവസം ഈ ഹെലികോപ്​റ്റര്‍ റോവറിനു മുകളില്‍ നിരീക്ഷണ പറക്കല്‍ നടത്തും.പേഴ്​സവറന്‍സ്​ നല്‍കുന്ന ചിത്രങ്ങളില്‍നിന്ന്​ ചൊവ്വയിലെ ജെ​സേറോ ഗര്‍ത്തമുള്‍പെടെ പഠന വിധേയമാക്കാന്‍ ലോകത്തുടനീളമുള്ള 450 ശാസ്​ത്രജ്​ഞരാണ്​കാത്തിരിക്കുന്നത് .

ജെസേറോ ഗര്‍ത്തത്തിന്‍റെ 1.2 മൈല്‍ അകലെയാണ്​ പേഴ്​സവറന്‍സ്​ നിലംതൊട്ടത്​. ഈ ഗര്‍ത്തം 390 കോടി കിലോമീറ്റര്‍ മുമ്ബ്​ നിലവിണ്ടായിരുന്നുവെന്ന്​ കരുതുന്ന കായലിന്‍റെ ബാക്കിയാണിത്​​. ജീവന്‍റെ സാന്നിധ്യമുണ്ടായിരുന്നോ എന്നറിയാന്‍ രണ്ടു വര്‍ഷം പേഴ്​സവറന്‍സ്​ ചൊവ്വയിലുണ്ടാകും.