Bright Eyes Gladden The Heart; Good News Puts Fat On The Bones. (Proverbs 15:30)
രണ്ട് ദിവസത്തെ വാക്സിന് പ്രതിസന്ധിക്ക് ശേഷം സംസ്ഥാനത്ത് ഇന്ന് മുതല് വാക്സിനേഷന് പുനരാരംഭിക്കും. ഇന്നലെ ലഭിച്ച 5,11,080 ഡോസ് വാക്സിന് ജില്ലകളിലേക്ക് വിതരണം ചെയ്തു. 2,91,080 ഡോസ് കോവിഷീല്ഡ് വാക്സിനും 2,20,000 ഡോസ് കോവാക്സിനുമാണ് വിതരണം ചെയ്തത്.
രണ്ട് ദിവസമായി വാക്സിനേഷന് നിലച്ച തിരുവനന്തപുരത്ത് 98,560 ഡോസ് എത്തിയിട്ടുണ്ട്. ഇന്നലെ 95,308 പേര്ക്കാണ് കുത്തിവെപ്പ് നല്കിയത്. ഇതുവരെ ഒന്നും രണ്ടും ഡോസ് ചേര്ത്ത് ആകെ 2,21,94,304 പേര്ക്കാണ് വാക്സിന് നല്കിയത്. വാക്സിനേഷന് യജ്ഞത്തിന്റെ ഭാഗമായി സ്വകാര്യ ആശുപത്രികള്ക്കു നല്കാനായി 20 ലക്ഷം ഡോസ് വാക്സിന് വാങ്ങാനുള്ള നടപടികള് പൂര്ത്തിയായതായി സര്ക്കാര് അറിയിച്ചു.
ഓണത്തിന് ആള്ക്കൂട്ടമുണ്ടാവുന്ന പരിപാടികള് അനുവദിക്കില്ല. ബീച്ചുകളില് നിയന്ത്രണമുണ്ടാകും. ലൈസന്സ് ഉള്ളവര്ക്കു മാത്രമാകും വഴിയോരക്കച്ചവടത്തിന് അനുമതി. കൂടാതെ, മദ്യം വാങ്ങുന്നതിനും കടകളില് പോകുന്നതിനുള്ള മാനദണ്ഡങ്ങള് ബാധകമാക്കിയിട്ടുണ്ട്. മദ്യം വാങ്ങാന് എത്തുന്നവര് ഒരു ഡോസ് വാക്സിന് എങ്കിലും എടുത്തിരിക്കണമെന്നാണ് നിര്ദേശം. അല്ലെങ്കില് ആര്.ടി.പി.സി.ആര് നെഗറ്റീവ് സര്ട്ടിഫിക്കറ്റ് നിര്ബന്ധമാണ്. ഈ നടപടികള് സര്ക്കാര് ഇന്ന് ഹൈക്കോടതിയെ അറിയിക്കും.
കടകള്ക്കും മറ്റും ഏര്പ്പെടുത്തിയ നിയന്ത്രണങ്ങള് മദ്യവില്പ്പന ശാലകളില് ബാധകമാക്കാത്തതില് കോടതി വിമര്ശനമുണ്ടായതോടെയായിരുന്നു ഇക്കാര്യത്തില് സര്ക്കാര് അടിയന്തര നടപടി സ്വീകരിച്ചത്. ബെവ്കോയുമായി ബന്ധപ്പെട്ട കോടതിയലക്ഷ്യ ഹരജി പരിഗണിക്കവെയായിരുന്നു വിഷയത്തില് കോടതി ഇടപെടല്. ഹരജി ജസ്റ്റിസ് ദേവന് രാമചന്ദ്രന് ഇന്ന് വീണ്ടും പരിഗണിക്കും.