Bright Eyes Gladden The Heart; Good News Puts Fat On The Bones. (Proverbs 15:30)
തെക്കൻ കാശ്മീരിൽ സുരക്ഷാ സേന 4 തീവ്രവാദികളെ വധിച്ചു; നാലു സൈനികർക്ക് പരിക്ക്.
- Saturday 10, 2021
- Anna
General
ശ്രീനഗര്‍: തെക്കൻ കശ്മീരിലെ ഷോപിയാൻ,പുൽവാമ ജില്ലകളിൽ സുരക്ഷാ സേനയും തീവ്രവാദികളും തമ്മിലുണ്ടായ രണ്ട് വ്യത്യസ്ത ഏറ്റുമുട്ടലുകളില്‍ നാല് തീവ്രവാദികളെ വെടിവെച്ച് കൊന്നു. നാല് ജവാൻമാർക്ക് പരിക്കേറ്റിട്ടുണ്ട്.
ഇരു ജില്ലകളിലും കൂടുതല്‍ മുന്‍കരുതല്‍ നടപടികള്‍ കൈക്കൊണ്ടിട്ടുണ്ട്. ഇതിന്റെ ഭാഗമായി ഇന്റർനെറ്റ് സേവനങ്ങൾ നിര്‍ത്തലാക്കി.
വ്യാഴാഴ്ച വൈകുന്നേരമാണ് ഷോപ്പിയാനില്‍ വെടിവയ്പ്പുണ്ടായത്. ജന്‍ മൊഹല്ലയിലെ മോസ്‌ക്കില്‍ ഭീകരര്‍ ഒളിച്ചിരിപ്പുണ്ടെന്ന് രഹസ്യസന്ദേശത്തെ തുടര്‍ന്നാണ് സൈന്യം ഇവിടെ എത്തിയത്. തുടര്‍ന്ന് നടന്ന ഏറ്റുമുട്ടലില്‍ മൂന്ന് ഭീകരരെ സുരക്ഷാസേന വധിച്ചു. പ്രദേശത്ത് ഇപ്പോഴും രണ്ട് ഭീകരര്‍ ഒളിച്ചിരിപ്പുണ്ടെന്നാണ് വിവരം ലഭിക്കുന്നത്.
വെള്ളിയാഴ്ച അതിരാവിലെയാണ് പുല്‍വാമയില്‍ ഏറ്റുമുട്ടലുണ്ടായത്. അവന്തിപ്പുരയില്‍ നടന്ന വെടിവയ്പ്പില്‍ ഒരു ഭീകരന്‍ കൊല്ലപ്പെട്ടതായാണ് വിവരം. മൂന്ന് പേര്‍ ഇവിടെ ഒളിച്ചിരിപ്പുണ്ടെന്നും വിവരം ലഭിക്കുന്നുണ്ട്. പ്രദേശത്ത് ഏറ്റുമുട്ടല്‍ തുടരുകയാണ്.