Bright Eyes Gladden The Heart; Good News Puts Fat On The Bones. (Proverbs 15:30)
തിരുവനന്തപുരം: മുഖ്യമന്ത്രിക്കെതിരെ വ്യാജ മൊഴി നല്കാന് സമ്മര്ദ്ദം ചെലുത്തിയെന്ന മൊഴിയുടെ അടിസ്ഥാനത്തില് എന്ഫോഴ്സ്മെന്റ് ഡയറക്ട്രേറ്റിനെതിരെ കേരള പൊലീസ് കേസെടുത്തു. ക്രൈംബ്രാഞ്ചാണ് കേസ് രജിസ്റ്റര് ചെയ്തിരിക്കുന്നത്. എന്ഫോഴ്സ്മെന്്റ് ഡയറക്ടറേറ്റിലെ ഉദ്യോഗസ്ഥര്ക്കെതിരെയാണ് കേസ്. ഗൂഡാലോചയ്ക്കും കേസെടുത്തിട്ടുണ്ട്. സ്വപ്നയുടെ ശബ്ദരേഖയെ കുറിച്ചുള്ള അന്വേഷണ സംഘത്തിന്്റെ റിപ്പോര്ട്ട് അനുസരിച്ചാണ് നടപടി.
ശബ്ദം തന്്റേതാണെന്ന് സ്വപ്ന ജയില് അധികൃതര്ക്ക് സ്വന്തം കൈപ്പടയില് എഴുതി നല്കിയിരുന്നു. സ്വപ്നയുടെ സുരക്ഷക്കായി നിയോഗിച്ച വനിതാ പൊലീസ് ഉദ്യോഗസ്ഥരുടെ മൊഴിയും നിര്ണ്ണായകമായി. മുഖ്യമന്ത്രിയുടെ പേര് പറയാന് ഇഡി ഉദ്യോഗസ്ഥര് നിര്ബന്ധിച്ചത് കേട്ടുവെന്നായിരുന്നു മൊഴി. ഡയറക്ടര് ജനറല് ഓഫ് പ്രോസിക്യൂഷന്്റെ നിയമോപദേശത്തെ തുടര്ന്നായിരുന്നു കേസെടുത്തത്.
തെറ്റായി ഒരാളെ ഉള്പ്പെടുത്താന് ഗൂഢാലോചന നടത്തുകയും സമ്മര്ദ്ദം ചെലുത്തുകയും ചെയ്യുന്നത് ഔദ്യോഗിക കൃത്യനിര്വ്വഹണത്തിന്്റെ ഭാഗമല്ലെന്ന് ക്രൈംബ്രാഞ്ച് അന്വേഷണ സംഘം കണ്ടെത്തിയിരുന്നു.
മുഖ്യമന്ത്രിയുടെ പേര് പറയാന് നിര്ബന്ധിക്കുന്നുവെന്ന സ്വപ്നയുടെ ശബ്ദരേഖയില് അന്വേഷണം ആവശ്യപ്പെട്ടത് ഇഡി തന്നെയായിരുന്നു. 20-11-2020 ന് ഇ ഡി നല്കിയ കത്തിന്്റെ അടിസ്ഥാനത്തിലായിരുന്നു ക്രൈംബ്രാഞ്ച് അന്വേഷണം. ഈ അന്വേഷണത്തിലാണ് ഇഡിക്കെതിരെ സാക്ഷിമൊഴികള് ലഭിച്ചത്.
പൊലീസുകാര്ക്കെതിരെ ഡിജിപിക്ക് ഇഡിയും കത്ത് നല്കി. വ്യാജമൊഴി നല്കിയ വനിതാ പൊലീസുകാര്ക്കെതിരെ നടപടി വേണമെന്നാണ് ഇഡി ആവശ്യപ്പെടുന്നത്. ഇഡിക്കെതിരായ മൊഴിക്ക് പിന്നില് ഗൂഢാലോചനയാണെന്നും പ്രതിയുടെ സുരക്ഷാ ഉദ്യോഗസ്ഥരുടെ പരാതി തിരക്കഥയനുസരിച്ചാണെന്നും കത്തില് പറയുന്നു തിങ്കളാഴ്ചയാണ് എന്ഫോഴ്സ്മെന്റ് കത്ത് നല്കിയത്. ക്രൈംബ്രാഞ്ച് നടപടിയെ നിയമപരമായി നേരിടുമെന്നും ഇഡി വ്യക്തമാക്കുന്നു.