കണ്ണൂര്‍: ഇ-ബുള്‍ ജെറ്റ്​ സഹോദരങ്ങളെ കസ്​റ്റഡിയിലെടുത്ത സംഭവത്തില്‍ വിശദീകരണവുമായി മോ​ട്ടോര്‍ വാഹന വകുപ്പ്​. വാഹനത്തിന്​ ടാക്​സ്​ അടക്കാന്‍ ബാക്കിയുണ്ടായിരുന്നുവെന്ന്​ കണ്ണൂര്‍ ആര്‍.ടി.ഒ ഉണ്ണികൃഷ്​ണന്‍ പറഞ്ഞു. 

പരാതി ലഭിച്ചതിന്‍റെ അടിസ്ഥാനത്തിലാണ്​ നടപടി എടുത്തത്​. ഇവര്‍ വാഹനം മൊത്തമായി​ രൂപമാറ്റം വരുത്തിയിട്ടുണ്ട്​. അഞ്ച്​ ടയറുകളും മാറ്റി. സെര്‍ച്ച്‌​ ലൈറ്റുകള്‍ അധികമായി ഘടിപ്പിച്ചു​. വാഹനത്തിന്‍റെ നിറം വെള്ളയില്‍നിന്ന്​ കറുപ്പാക്കി മാറ്റി. ബോഡിയില്‍ ഗ്രാഫിക്​സുകള്‍​ ഉപയോഗിച്ചു. 

മറ്റുള്ള യാത്രക്കാരെ ആകര്‍ഷിക്കുന്ന രീതിയിലുള്ള പരസ്യങ്ങളും ചിത്രങ്ങളും വാഹനത്തില്‍ ഉണ്ടാകാന്‍ പാടില്ലെന്ന്​ കോടതി ഉത്തരവുണ്ട്​. 

ഇതും ഇവര്‍ ലംഘിച്ചു. ഇതിനെ തുടര്‍ന്നാണ്​ വാഹനം പിടിച്ചെടുത്തത്​. ഓരോ ആള്‍ട്ടറേഷനും 5000 രൂപ വെച്ചാണ്​ പിഴ ഈടാക്കിയത്​. 

വാഹനത്തില്‍ രൂപമാറ്റം വരുത്തുന്നത്​ മുമ്പ് അപേക്ഷ നല്‍കണം. ​നിയമത്തിനുള്ളില്‍ നില്‍ക്കുന്നവക്ക്​​​ അനുമതി നല്‍കും. രൂപമാറ്റം വരുത്തിയ ശേഷം വാഹനം അധികൃതരെ കാണിക്കണം. എന്നാല്‍, മാത്രമേ വാഹനം പുറത്തിറക്കാന്‍ കഴിയൂ എന്നും ആര്‍.ടി.ഒ അറിയിച്ചു. 

അതേസമയം, തങ്ങള്‍ക്കെതിരെ കള്ളക്കേസ്​ എടുത്തിരിക്കുകയാണെന്ന്​ എബിനും ലിബിനും ആരോപിച്ചു. ടാക്​സ്​ അടച്ചിട്ടില്ലെന്ന്​ പറഞ്ഞാണ്​ ആദ്യം എം.വി.ഡി വാഹനം പിടിച്ചുകൊണ്ടുപോയത്​. ടാക്​സിന്‍റെ പേപ്പര്‍ കാണിച്ചപ്പോള്‍ വാഹനം വിട്ടുതന്നു. 

അടുത്ത ദിവസം വീണ്ടും വന്ന്​ വാഹനം കൊണ്ടുപോവുകയായിരുന്നു. ഇപ്പോള്‍ 52,000 ​പിഴ അടക്കണമെന്നാണ്​ പറയുന്നത്​. ഓഫിസില്‍ അതിക്രമം കാണിച്ചെന്നും കൃത്യനിര്‍വഹണം തടസ്സപ്പെടുത്തിയെന്നും കാണിച്ച്‌​ പൊലീസ്​ കള്ളക്കേസ്​ എടുത്തിരിക്കുകയാണ്​. നിയമങ്ങള്‍ക്കുള്ളില്‍ നിന്നുകൊണ്ട്​ വണ്ടിയെ സ്​നേഹിച്ചതിന്​ കൊലപാതകിയെ പോലെയാണ്​ പെരുമാറുന്നതെന്നും ഇവര്‍ മാധ്യമപ്രവര്‍ത്തകരോട്​ പറഞ്ഞു