Bright Eyes Gladden The Heart; Good News Puts Fat On The Bones. (Proverbs 15:30)
തിരുവനന്തപുരം: സംസ്ഥാനത്തെ കൊവിഡ് രോഗവ്യാപനത്തിന്റെ പശ്ചാത്തലത്തിൽ ഒൻപത് ദിവസത്തേക്ക് സമ്പൂര്ണ ലോക് ഡൗൺ പ്രഖ്യാപിച്ചിരിക്കുകയാണ്. ഇന്ന് മുതൽ ഒരാഴ്ചത്തേക്ക് അനാവശ്യമായി പുറത്തിറങ്ങാന് പാടില്ലെന്നാണ് നിര്ദ്ദേശിച്ചിരിക്കുന്നത്. അത്യാവശ്യ കാര്യങ്ങള്ക്ക് പുറത്തിറങ്ങാന് പോലീസിന്റെ പാസ് ആവശ്യമാണ്. ഒഴിവാക്കാനാവാത്ത സാഹചര്യത്തിൽ സത്യവാങ്മൂലം കൈയ്യിൽ കരുതകയും വേണം.
ശനിയാഴ്ച വൈകിട്ടോടെയാണ് അടിയന്തിര യാത്രയ്ക്ക് പാസ് അനുവദിക്കുന്ന സംവിധാനം നിലവിൽ വരുന്നത്.ജില്ലാ പോലീസ് മേധാവിമാരുടെ വെബ്സൈറ്റിലൂടെയാണ് അപേക്ഷിക്കേണ്ടത്. മൊബൈൽ വഴിയോ ഈ മെയിൽ വഴിയോ പാസ് ലഭിക്കും.
കൂലിപ്പണിക്കാര്, ദിവസ വേതനക്കാര് എന്നിവര്ക്ക് ജോലിക്ക് പോകുന്നതിന് പാസ് ലഭിക്കും. തൊഴിലാളിയോ തൊഴിലുടമയോ അപേക്ഷ നൽകണം.പേര്, സ്ഥലം, യാത്രയുടെ ഉദ്ദേശം എന്നിവ ഓൺലൈനിൽ പാസിനായി അപേക്ഷിക്കുമ്പോള് രേഖപ്പെടുത്തണം. ഇത് പരിശോധിച്ച് സ്പെഷ്യൽ ബ്രാഞ്ചാണ് യാത്രാനുമതി നൽകുന്നത്. അനുമതി ലഭിക്കുന്ന മുറയ്ക്ക് അപേക്ഷകന്റെ ഫോണിലേക്ക് വണ് ടൈം പാസ്വേർഡ് (ഒടിപി) വരികയും ചെയ്യും പിന്നീട് അനുമതി പത്രം ഫോണിൽ ലഭ്യമാകുകയും ചെയ്യും. ഇത് ഉപയോഗിച്ച് മാത്രമായിരിക്കും യാത്ര ചെയ്യാൻ സാധിക്കുക.
അടിയന്തിര യാത്ര ആവശ്യമുള്ള പൊതുജനങ്ങള്ക്കും പാസിന് അപേക്ഷ നൽകാം. അതേസമയം, മരണം, ആശുപത്രി, അടുത്ത ബന്ധുവിന്റെ വിവാഹം എന്നിങ്ങനെയുള്ള ഒഴിവാക്കാനാവാത്ത ആവശ്യത്തിന് മാത്രമാണ് പാസ് അനുവദിക്കുക.അവശ്യ വിഭാഗത്തിൽ ഉൾപ്പെടുന്നവര്ക്ക് പാസ് വേണ്ട, പകരം തിരിച്ചറിയൽ രേഖകള് കാണിച്ചാൽ മിതയാകും.