Bright Eyes Gladden The Heart; Good News Puts Fat On The Bones. (Proverbs 15:30)
ചെന്നൈ: ശ്രീലങ്കയില് നിന്ന് ആയുധങ്ങളുമായി ബോട്ട് ഇന്ത്യന് തീരത്തെത്തുമെന്ന് രഹസ്യവിവരം. തുടര്ന്ന് തീരങ്ങളില് സുരക്ഷ ശക്തമാക്കി. കന്യാകുമാരി, തൂത്തുക്കുടി, രാമേശ്വരം, ചെന്നൈ തീരങ്ങളിലാണ് ആയുധസജ്ജരായ സുരക്ഷാ സേന നിരീക്ഷണം ശക്തമാക്കിയത്.
കേരളത്തിനും വിവരം കൈമാറിയിട്ടുണ്ടെന്ന് തമിഴ്നാട് സര്ക്കാര് വ്യക്തമാക്കി. ശ്രീലങ്കയില് നിന്നുള്ള സായുധ സംഘങ്ങള് ഇന്ത്യയിലേക്ക് നുഴഞ്ഞുകയറാന് ശ്രമിച്ചേക്കുമെന്നും റിപ്പോര്ട്ടുണ്ട്.
ശ്രീലങ്കയില് നിന്നുള്ള ബോട്ടുകള് രാമേശ്വരം തീരത്തേക്ക് പുറപ്പെട്ടുവെന്നാണ് കേന്ദ്ര രഹസ്യാന്വേഷണ ഏജന്സികള്ക്ക് വിവരം ലഭിച്ചത്. ഇതിന്റെ അടിസ്ഥാനത്തില് തമിഴ്നാട് തീരത്ത് സുരക്ഷ കര്ശനമാക്കി. കോസ്റ്റ് ഗാര്ഡ് പട്രോളിംഗ് ശക്തമാക്കിയിട്ടുണ്ട്. തമിഴ്നാട് പൊലീസ് കൈമാറിയ വിവരങ്ങളുടെ അടിസ്ഥാനത്തില് കേരളത്തിലും സുരക്ഷ ശക്തമാക്കി.
ഇപ്പോള് കന്യാകുമാരി, തൂത്തുക്കുടി, രാമേശ്വരം, ചെന്നൈ എന്നിവിടങ്ങളിലെ തീരപ്രദേശത്താണ് സുരക്ഷാസേനയെ ശക്തമായ നിരീക്ഷണം നടത്തുന്നത്. തീരദേശങ്ങളിലേക്ക് നയിക്കുന്ന പ്രധാന റോഡുകളില് ആയുധധാരികളായ പൊലീസുകാരെ വിന്യസിച്ചതായി ചെന്നൈ പൊലീസ് ആസ്ഥാനത്തെ ഒരു മുതിര്ന്ന പൊലീസുദ്യോഗസ്ഥന് പറഞ്ഞു.