Bright Eyes Gladden The Heart; Good News Puts Fat On The Bones. (Proverbs 15:30)
അബുദാബി: ലുലു ഗ്രൂപ്പ് ചെയര്മാനും പ്രവാസി വ്യവസായിയുമായ എം എ യൂസഫലിക്ക് അബുദാബി സർക്കാരിന്റെ ഉന്നത സിവിലിയൻ പുരസ്ക്കാരം. അബുദാബി വാണിജ്യ- വ്യവസായ മേഖലകളില് നല്കിയ സംഭാവനകള്ക്കും ജീവകാരുണ്യ രംഗത്ത് നല്കുന്ന മികച്ച പിന്തുണയ്ക്കുമുള്ള അംഗീകാരമായാണ് യൂസഫലിക്ക് അബുദാബി അവാര്ഡിന് അര്ഹനായത്.
അബുദാബി അൽ ഹൊസൻ പൈതൃക മന്ദിരത്തിൽ വെച്ച് നടന്ന ചടങ്ങിൽ അബുദാബി കിരീടാവകാശിയും യു.എ.ഇ. സായുധ സേനാ ഉപ സർവ സൈന്യാധിപനുമായ ശൈഖ് മുഹമ്മദ് ബിൻ സായിദ് അൽ നഹ്യാൻ പുരസ്കാരം യൂസഫലിക്ക് സമ്മാനിച്ചു. തനിക്ക് ലഭിച്ച ഈ ബഹുമതി പ്രവാസി സമൂഹത്തിന് സമർപ്പിക്കുന്നുവെന്ന് എം എ യൂസഫലി പറഞ്ഞു.
നമ്മുടെ രാജ്യത്തെയും സമൂഹത്തെയും കൂടുതല് ശക്തരാക്കി കുലീനവും ജീവകാരുണ്യ പ്രവര്ത്തനങ്ങളിലൂടെയും ഈ മൂല്യങ്ങള് അനുദിനം പരിശീലിപ്പിച്ച 12 അസാധാരണ വ്യക്തികളെ അഭിനന്ദിക്കുകയാണെന്ന്' ശൈഖ് മുഹമ്മദ് ബിന് സായിദ് പറഞ്ഞു.
അവാര്ഡിനുള്ള നാമനിര്ദേശങ്ങള് സമര്പ്പിക്കാനായി 2019 മെയ് മുതല് ഡിസംബര് വരെ സമയം ഉണ്ടായിരുന്നു. കൊവിഡ് മഹാമാരി മൂലം ചടങ്ങി മാറ്റിവച്ചിരിക്കുകയായിരുന്നു. സൈനികര് മുതല് പരിസ്ഥിതി പ്രവര്ത്തകര് വരെ 12 അവാര്ഡ് ജേതാക്കളെയാണ് വെള്ളിയാഴ്ച പ്രഖ്യാപിച്ചത്.