Bright Eyes Gladden The Heart; Good News Puts Fat On The Bones. (Proverbs 15:30)
ന്യൂഡല്ഹി: സാമുദായിക പ്രാതിനിധ്യം ഉറപ്പാക്കി ഡി.സി.സി. അധ്യക്ഷന്മാരുടെ അന്തിമപ്പട്ടിക കെ.പി.സി.സി. അധ്യക്ഷന് കെ. സുധാകരന് വ്യാഴാഴ്ച രാത്രിയോടെ തയ്യാറാക്കി ഹൈക്കമാന്ഡിന് സമര്പ്പിച്ചു. കേരളത്തിന്റെ ചുമതലയുള്ള ദേശീയ ജനറല് സെക്രട്ടറി താരിഖ് അന്വര് വെള്ളിയാഴ്ച പട്ടികയുമായി പാര്ട്ടി അധ്യക്ഷ സോണിയാഗാന്ധിയെ കാണുമെന്ന് അറിയുന്നു. പ്രഖ്യാപനം ഇന്ന് തന്നെ ഉണ്ടാവുമെന്നാണ് സൂചന.
സുധാകരനും പ്രതിപക്ഷനേതാവ് വി.ഡി. സതീശനും വര്ക്കിങ് പ്രസിഡന്റുമാരും ചേര്ന്ന് നേരത്തേ തയ്യാറാക്കിയ ചുരുക്കപ്പട്ടികയിലുള്ള ചില പേരുകള് അവസാനഘട്ട ചര്ച്ചകളില് ഒഴിവാക്കപ്പെട്ടു. സാമുദായിക പ്രാതിനിധ്യം ഉറപ്പാക്കാനായിട്ടാണ് പ്രധാനമായും ചില മാറ്റങ്ങള് വന്നതെന്നാണ് സൂചനകള്. തിരുവനന്തപുരം, ആലപ്പുഴ, ഇടുക്കി, കോട്ടയം, വയനാട്, കാസര്കോട് ജില്ലാ അധ്യക്ഷന്മാരുടെ പേരുകളിലാണ് അവസാന നിമിഷം മാറ്റങ്ങള് വന്നത്.
ക്രിസ്ത്യന്, മുസ്ലിം, ഈഴവ, നായര് പ്രാതിനിധ്യങ്ങള് ഉറപ്പാക്കിയിട്ടുള്ളതാണ് പുതിയ പട്ടിക. ദളിതര്ക്കും സ്ത്രീകള്ക്കും വിട്ടുപോയ സമുദായങ്ങള്ക്കും കെ.പി.സി.സി.യില് അര്ഹമായ പ്രാതിനിധ്യം ഉറപ്പാക്കുമെന്നാണ് നേതൃത്വം നല്കുന്ന സൂചന. മധ്യതിരുവിതാംകൂറില് ഈഴവ, ക്രിസ്ത്യന് പ്രാതിനിധ്യം കൃത്യമാക്കാനുള്ള ശ്രമത്തിന്റെ ഭാഗമായാണ് അന്തിമപ്പട്ടിക തയ്യാറാക്കല് നീണ്ടുപോയത്.