Saturday 21, 2024   06:29:37

Bright Eyes Gladden The Heart; Good News Puts Fat On The Bones. (Proverbs 15:30)

Breaking news

അന്തരിച്ച പി ടി തോമസ് എംഎല്‍എയുടെ കണ്ണുകള്‍ ദാനം ചെയ്യും; സംസ്‌കാരം നാളെ        തൃക്കാക്കര എം.എല്‍.എ പി.ടി തോമസ് അന്തരിച്ചു.        സില്‍വര്‍ ലൈന്‍ പദ്ധതിക്കെതിരെ നിലപാട് കടുപ്പിച്ച് യുഡിഎഫ്.        ഉന്നത വിദ്യാഭ്യാസ വകുപ്പ് മന്ത്രി ആര്‍.ബിന്ദുവിന്റെ നടപടിയ്‌ക്കെതിരെ രൂക്ഷമായ പ്രതികരണവുമായി ഗവര്‍ണര്‍ ആരിഫ് മുഹമ്മദ് ഖാന്‍.        സംസ്ഥാനത്ത് ഇന്നും നാളെയും പ്രത്യേക വാക്‌സിനേഷന്‍ യജ്ഞം        കുറുപ്പ് ഒടിടി റിലീസ് ചെയ്തതിന് പിന്നാലെ എതിര്‍പ്പുമായി തിയേറ്റര്‍ ഉടമകളുടെ സംഘടനയായ ഫിയോക്ക്        സംസ്ഥാനത്ത് നാലുപേര്‍ക്ക് കൂടി ഒമൈക്രോണ്‍ സ്ഥിരീകരിച്ചു.        ഇന്നും നാളെയും ബാങ്ക് ജീവനക്കാര്‍ പണിമുടക്കും.        ബാലവേലയെപ്പറ്റി വിവരം നല്‍കുന്ന വ്യക്തിക്ക് ഇന്‍സന്റീവ് നല്‍കുന്ന പദ്ധതിയ്ക്ക് വനിത ശിശുവികസന വകുപ്പ് അനുമതി നല്‍കി        മകളുടെ ക്ഷേമത്തിനായി മാതാപിതാക്കള്‍ നല്‍കുന്ന സമ്മാനങ്ങള്‍ സ്ത്രീധനത്തിന്റെ പരിധിയില്‍ വരില്ല; ഹൈക്കോടതി        

എട്ട് പൊതുമേഖലാ ബാങ്കുകളുടെ ചെക്ക് ബുക്കുകൾ നാളെമുതല്‍ അസാധുവാകും.

  • Wednesday 31, 2021
  • KJ
General

കൊച്ചി: മറ്റ് ബാങ്കുകളില്‍ ലയിച്ച എട്ട് പൊതുമേഖലാ ബാങ്കുകളുടെ ചെക്ക് ബുക്കുകള്‍ പുതിയ സാമ്ബത്തിക വര്‍ഷം (2021-22) ആരംഭിക്കുന്ന നാളെമുതല്‍ (ഏപ്രില്‍ ഒന്ന്) അസാധുവാകും. വിജയ ബാങ്ക്, കോര്‍പ്പറേഷന്‍ ബാങ്ക്, ദേന ബാങ്ക്, ആന്ധ്രാ ബാങ്ക്, സിന്‍ഡിക്കേറ്റ് ബാങ്ക്, ഓറിയന്റല്‍ ബാങ്ക് ഒഫ് കൊമേഴ്‌സ്, അലഹാബാദ് ബാങ്ക്, യുണൈറ്റഡ് ബാങ്ക് ഒഫ് ഇന്ത്യ എന്നിവയുടെ ചെക്ക് ബുക്കുകളാണ് അസാധുവാകുക. ഇതുള്‍പ്പെടെ മറ്റു ചില മാറ്റങ്ങളും നാളെമുതലുണ്ടാകും.
 

 

ഓറിയന്റല്‍ ബാങ്ക് ഒഫ് കൊമേഴ്‌സ്, യുണൈറ്റഡ് ബാങ്ക് ഒഫ് ഇന്ത്യ എന്നിവ പഞ്ചാബ് നാഷണല്‍ ബാങ്കിലും സിന്‍ഡിക്കേറ്ര് ബാങ്ക് കനറാ ബാങ്കിലും അലഹാബാദ് ബാങ്ക് ഇന്ത്യന്‍ ബാങ്കിലും ആന്ധ്രാ ബാങ്കും കോര്‍പ്പറേഷന്‍ ബാങ്കും യുണിയന്‍ ബാങ്ക് ഒഫ് ഇന്ത്യയിലുമാണ് ലയിച്ചത്. ദേന ബാങ്ക്, വിജയ ബാങ്ക് എന്നിവയെ ബാങ്ക് ഒഫ് ബറോഡയിലും ലയിപ്പിച്ചിരുന്നു.

 ചെക്ക് ബുക്ക്
 

 

നിലവിലെ ചെക്ക് ബുക്ക് നാളെ അസാധുവാകും. ഉദാഹരണത്തിന് യുണൈറ്റഡ് ബാങ്ക് ഒഫ് ഇന്ത്യ ഉപഭോക്താവിന്റെ കൈവശമുള്ള ചെക്ക് ബുക്ക് നാളെ മുതല്‍ ഉപയോഗിക്കാനാവില്ല. പകരം, ബാങ്ക് ലയിച്ച പ‌ഞ്ചാബ് നാഷണല്‍ ബാങ്കിന്റെ ചെക്ക് ബുക്ക് വാങ്ങണം. അതേസമയം, ചില ബാങ്കുകള്‍ക്ക് റിസര്‍വ് ബാങ്ക് ഇളവ് അനുവദിച്ചിട്ടുണ്ട്. സിന്‍ഡിക്കേറ്റ് ബാങ്ക് കനറാ ബാങ്കില്‍ ലയിച്ചിരുന്നു; എന്നാല്‍, സിന്‍ഡിക്കേറ്റ് ബാങ്കിന്റെ ചെക്ക് ഉപഭോക്താവിന് ജൂണ്‍ 30 വരെ ഉപയോഗിക്കാം.
 

 

 ഐ.എഫ്.എസ് കോഡ്
 

 

നിങ്ങളുടെ ബാങ്ക് മറ്റൊരു ബാങ്കില്‍ ലയിച്ചെങ്കില്‍ ബാങ്ക് അക്കൗണ്ട് നമ്ബര്‍, ഐ.എഫ്.സ് കോഡ്, എം.ഐ.സി.ആര്‍ കോഡ് (മാഗ്‌നെറ്റിക് ഇന്‍ക് കാരക്‌ടര്‍ റെക്കഗ്നീഷന്‍ കോഡ്) എന്നിവയിലും മാറ്റമുണ്ടായേക്കാം. ഇക്കാര്യം ഉപഭോക്താവ് ബാങ്കുമായി നേരിട്ട് ബന്ധപ്പെട്ട് വ്യക്തതവരുത്തണം. ഇല്ലെങ്കില്‍ വായ്‌പാത്തിരിച്ചടവ്, ഓണ്‍ലൈന്‍ പേമെന്റ്, ബില്‍ പേമെന്റ്, മ്യൂച്വല്‍ഫണ്ട് നിക്ഷേപം എന്നിവയില്‍ തടസം നേരിടാനിടയുണ്ട്.
 

 

 ഡെബിറ്റ്/ക്രെഡിറ്റ് കാര്‍ഡ്
 

 

നിലവിലെ കാര്‍ഡിന്റെ കാലാവധി അവസാനിക്കുംവരെ ഉപഭോക്താവിന് ഉപയോഗിക്കാം. കാലാവധി അവസാനിക്കുമ്ബോള്‍ ലഭിക്കുക പുതിയ ബാങ്കിന്റെ കാര്‍ഡായിരിക്കും.
 

 

 വായ്‌പയും നിക്ഷേപവും
 

ലയനാനന്തരം വായ്‌പകളുടെയും സ്ഥിരനിക്ഷേപങ്ങളുടെയും പലിശനിരക്ക് മാറാനിടയുണ്ട്. ഇക്കാര്യം ഉപഭോക്താവ് ബാങ്കുമായി ബന്ധപ്പെട്ട് വ്യക്തത വരുത്തണം. സ്ഥിരനിക്ഷേപങ്ങളുടെ പലിശ നിലവിലെ നിരക്കില്‍ തന്നെ തുടരുമെങ്കിലും പുതുക്കല്‍ (റിന്യൂവല്‍) വേളയില്‍ നിരക്ക് മാറും.
 

റെക്കറിംഗ് പേമെന്റിന്
 

പുതിയ നിയമം
 

ഉപഭോക്താവിന്റെ അക്കൗണ്ടില്‍ നിന്ന് ഓട്ടോമാറ്റിക്കായി പണം പിന്‍വലിക്കുന്നതിന് (ഓട്ടോമാറ്റിക് റെക്കറിംഗ് പേമെന്റ്) അഡിഷണല്‍ ഫാക്‌ടര്‍ ഒഫ് ഓതന്റിക്കേഷന്‍ (എ.എഫ്.എ) നാളെ പ്രാബല്യത്തില്‍ വരും. ഇ.എം.ഐ., യൂട്ടിലിറ്റി ബില്ലുകള്‍, ഫോണ്‍ റീചാര്‍ജ്, ഒ.ടി.ടി ഫീസ്, ഡി.ടി.എച്ച്‌ നിരക്ക് തുടങ്ങിയവയ്ക്കാണ് ഇതു ബാധകം. 5,000 രൂപയ്ക്കുമേലുള്ള ഇടപാടുകള്‍ ഉപഭോക്താവിന് ഒ.ടി.പി നമ്ബര്‍ അയച്ച്‌ സ്ഥിരീകരിക്കണമെന്നാണ് നിര്‍ദേശം. ചില ബാങ്കുകളും എന്‍.ബി.എഫ്.സികളും പുതിയ സംവിധാനം നടപ്പാക്കാന്‍ കൂടുതല്‍ സമയം തേടിയിട്ടുണ്ട്.

Top News